Fyrilestur á Landsbókasavninum 28. februar kl. 16.00

27. apríl 2021

Sissal M. Rasmussen, Ph.d., adjunkur á Námsvísindadeildini fer at halda fyrilestur um mál og málmenning við støði í hennara Ph.d.- ritgerð ” Færøske børns tidlige ordforråds-tilegnelse - adaption og normering af en færøsk version af MB-CDI-forældrerapporter”.
Fyrilesturin verður hildin á føroyskum máli.
Landsbókasavnið hevur saman við øðrum á Fróðskaparsetri Føroya gjørt av at varpa ljós á føroyska gransking.
Vit meta, at tað er umráðandi, at granskingin verður miðlað og borin út í føroyska samfelagið, tí ivaleyst hevur almenningurin stóran áhuga í granskingini.
Miðlingin verður gjørd ígjøgnum granskingargrundaðar fyrilestrar hjá vísindafólkum, ið starvast á Setrinum og øðrum granskingarstovnum.
Ætlandi verða sjey fyrilestrar tilsamans. Hesin er triði í røðini. Teir verða hildnir várhálvuna síðsta mikudag fram til og við mai. Heysthálvuna verða fyrilestrar í september, oktober og í november.


Aftur til tíðindi
Skrivað: Annika Smith

Seinastu greinar

Starvslýsing

Vit søkja eftir starvsfólki til umsitingina á Landsbókasavninum at seta 1. november ella skjótast til ber.   Hevur tú útbúgving… Les meira »


26. september 2022
Tvær flottar framsýningar – og summaropið

60 myndir og søgan um 12 eintøk Les meira »


01. juli 2022