Sløkk telefonina, lat upp fyri sansunum og tak pennin í hond - ein løta saman við Rannvá Holm Mortensen

Kvøldið byrjar við framsýning hjá Rannvá Holm Mortensen. Saman við listakonuni fara vit á eina ferð inn í hennara huga heim – alt frá skitsu til liðug verk.

Síðan fara vit uppá at lurta eftir yrkingaupplestri, drekka kaffi, te, vatn og vín. Heldur enn at posta á facebook og instagram, hava vit postkort og frímerkir, og tú kanst nýta høvið til at skriva eina advenstheilsan til ætt, vinir og kenningar í Føroyum og kring heimin

Tiltakið er partur av skránni hjá Bókadøgunum, sum Norðurlandahúsið skipar fyri. Gevið gætur, tiltakið er á Landsbókasavninum, J. C. Svabosgøta 16.