Granskingarmiðlan í mars

15. mars 2022

30. mars kl. 16 heldur Rógvi Olavson, undirvísari í miðlum og politiskum samskifti á Søgu- og samfelagsdeildini, fyrilestur á Landsbókasavninum við heitinum: Hvat hendir við føroysku miðlunum? Gongdin í miðlalandslagnum í 21. øld. 

At miðlar og sunt politiskt samskifti hava stóran týdning fyri eitt samfelag, hevur ongantíð verið so ítøkiligt og greitt, sum í hesum døgum. Upplýsingarkríggið í sambandi við kríggið í Ukraina og sensururin í russiska samfelagnum eru við til at skerpa henda týdningin fyri okkum, sum enn liva í demokratiskum og frælsum samfeløgum. Hesin fyrilesturin er eitt boð uppá, hví føroyska miðlalandslagið sær út, júst sum tað ger í dag, hvørjar høvuðsavbjóðingarnar eru í føroysku miðlaskipanini, og hvussu miðlaskipanin sannlíkt fer at mennast komandi árini.

Landsbókasavnið hevur saman við øðrum á Fróðskaparsetri Føroya gjørt av at varpa ljós á føroyska gransking.

Vit meta, at tað er umráðandi, at granskingin verður miðlað og borin út í føroyska samfelagið, tí ivaleyst hevur almenningurin stóran áhuga í granskingini.

Miðlingin verður gjørd ígjøgnum granskingargrundaðar fyrilestrar hjá vísindafólkum, ið starvast á Setrinum og øðrum granskingarstovnum.

 

Fyrilesturin verður hildin á føroyskum máli.

Verið vælkomin!


Aftur til tíðindi
Skrivað: Annika Smith

Seinastu greinar

Tvær flottar framsýningar – og summaropið

60 myndir og søgan um 12 eintøk Les meira »


01. juli 2022
Í komandi viku fara vit at vísa vøkru myndirnar hjá Floru Heilmann, sum eru rammaðar inn av nýggjum.

Myndirnar, sum hon gav Landsbókasavninum fyri yvir 90 árum síðani, eru 60 í tali og lýsa tær eina farna tíð. Afturat hesum myndu… Les meira »


15. juni 2022