Heimurin hjá Edwardi / The World of Edward

11. juni 2019

Summarframsýningin á Landsbókasavninum 2019 / Summer Exhibition at the National Library of the Faroe Islands 2019

Edward Fuglø er føddur í Klaksvík í 1965. Í 1991 tók hann útbúgving á Danmarks Kunstakademis Skoler for Arkitektur, Design og Konservering. Listarliga arbeiðið hjá Edwardi er umfatandi, bæði í tøkni og í mongd. Umframt at hann málar og teknar, hevur hann eisini gjørt pallmyndir, búnar, skrivað barnabøkur og myndprýtt ein hóp av bókum, bæði egnar og hjá øðrum.

Í 1995 fekk Edward Fuglø barnabókaheiðursløn Tórshavnar Býráðs og í 2001 fekk hann Nordisk Børnebogspris. Í 2008 varð hann tilnevndur Vestnordisk Råds Børne- og Ungdomslitteraturpris fyri barnabókina Apollonia, sum er við á framsýningini. Eisini hevur hann lutikið á framsýningum víða um.

Edward’sa myndir fortelja, tulka og prýða. Myndaevnið er litfagurt heimligt tó eisini fremmant, ævintýrakent, realitiskt og súmbolskt. Her kunnu vit droyma okkum inn í ein heim har alt ber til og kava niður í smálutir.

Á framsýningini eru útvaldar bøkur og upprunamyndir. Til ber at vitja framsýningina, tá Landsbókasavnið er opið. Framsýningin er til mánaðarskiftið september/oktober. Verið hjartaliga vælkomin.

Bøkurnar eru til láns á bókasøvnum kring landið.


Aftur til tíðindi
Skrivað: Laura Vinther

Seinastu greinar

Faktalink og Forfatterweb lata upp í tríggjar mánaðir

Meðan fleiri mørk eru stongd, lata onnur upp. Faktalink og Forfatterweb fara at liggja frítt á netinum komandi tríggjar mánaðir… Les meira »


02. apríl 2020
Landsbókasavnið er enn stongt vegna koronakreppuna. Tó ber til at læna tilfar.

Frá mánadegnum 30. mars og fyribils til eftir páskir, avgreiða vit fyrispurningar umvegis telefon og teldupost hvønn dag kl. 10-14… Les meira »


26. mars 2020