Starvslýsing

02. august 2019

Bókavørður til Landsbókasavnið

Landsbókasavnið søkir eftir bókavørði at byrja 1. september 2019.

 

Starvið

Uppgávurnar eru fjølbroyttar og arbeiðið fakliga krevjandi og fevnir um m.a.

·         Miðling í útláninum

·         Skráseting av bókasavnstilfari

·         Viðlíkahald av bókasavnsskipanini og øðrum kt skipanum hjá Landsbókasavninum

·         Heimasíðu og intraneti

 

Førleikakrøv
Til starvið krevst útbúgving sum bókavørður, so sum Bibliotekar DB, ella onnur bókasavnsfaklig útbúgving.

Dentur verður eisini lagdur á, at bókavørðurin er sinnaður at luttaka í menningaátøkum, og vit rokna við at tann ið settur verður, hevur

·         Góð samstarvsevni

·         Sjálvstøðugt arbeiðslag

·         Góðan tænastuhugburð

·         Góðan teldukunnleika

·         Góðar málførleikar á føroyskum, norðurlendskum og enskum

Fyrimunur er at hava kunnleika til viðlíkahald og menning av bókasavnsskipanum.

 

Vit kunnu bjóða

Eitt sera fjøltáttað, spennandi og avbjóðandi starv. Tann ið settur verður, skal kunna arbeiða í toymi við bundnum uppgávum, men eisini sjálvstøðugt við egnum hugskotum.

 

Setanartreytir og løn

Starvið er fulltíðarstarv 39 tímar um vikuna. Arbeitt verður í vaktum.

Starvið verður lønt í 7. Lønarflokki eftir sáttmála millum Fíggjarmálaráðið og Starvsmannafelagið.

 

Umsóknarfreistin er hósdagin 15. aug. 2019.

Meiri fæst at vita um starvið við at venda sær til Anniku Smith, landsbókavørð.

Umsóknir til starvið skulu saman við avriti av prógvum og yrkisleið (cv) sendast til:

Landsbókasavnið, J.C. Svabosgøta 16, Postsmoga 61, FO-110 Tóshavn ella annikas@landsbokasavnid.fo

____________

Landsbókasavnið er høvuðs- og tjóðbókasavn og hevur sum høvuðsuppgávu at savna inn, skráseta, varðveita og fremja útbreiðslu av kunnleika um føroyskar bókmentir og av bókmentum um Føroyar. Harumframt veitir Landsbókasavnið vísindabókasavnstænastu. Landsbókasavnið skipar fyri skráseting av føroysku tjóðbókaskránni og er føroysk ISBN-skrivstova.

 


Aftur til tíðindi
Skrivað: Annika Smith

Seinastu greinar

Dagføring av føroysku flokkingarskipanini

Í tí donsku flokkingarskipanin, DK5, Decimalklassedeling, eru Føroyar og føroysk viðurskifti yvirhøvur flokkað sum ein partur av D… Les meira »


21. august 2019
Høgni Bech er settur í starv sum leiðari á tjóðbókadeildini hjá Landsbókasavninum

Høgni er útbúgvin bókavørður á universitetinum í Keypmannahavn. Vit ynskja honum vælkomnum Les meira »


16. august 2019