Bókavarðastarv leyst at søkja

07. oktober 2019

Bókavørður til Landsbókasavnið

 

Landsbókasavnið søkir eftir bókavørði at byrja 1. desember 2019 ella skjótast til ber.

 

Starvið

Uppgávurnar eru fjølbroyttar og arbeiðið fakliga krevjandi og fevnir um m.a.

 

·         Miðling í útláninum

·         Í tilknýti til Føroyadeild at hava um hendi handritasavnið

·         Talgilda varðveiting av bókasavnstilfari

·         Skráseting av bókasavnstilfari til stovnar

 

Førleikakrøv
Til starvið krevst útbúgving sum bókavørður, so sum Bibliotekar DB, ella onnur bókasavnsfaklig útbúgving.

Dentur verður eisini lagdur á, at bókavørðurin er sinnaður at luttaka í menningaátøkum, og vit rokna við at tann ið settur verður, hevur

 

·         Góð samstarvsevni

·         Sjálvstøðugt arbeiðslag

·         Góðan tænastuhugburð

·         Góðan teldukunnleika

·         Góðar málførleikar á føroyskum, norðurlendskum og enskum

 

Vit kunnu bjóða

Eitt sera fjøltáttað, spennandi og avbjóðandi starv. Tann ið settur verður, skal kunna arbeiða í toymi við bundnum uppgávum, men eisini sjálvstøðugt við egnum hugskotum.

 

Setanartreytir og løn

Starvið er fulltíðarstarv 39 tímar um vikuna. Arbeitt verður í vaktum.

Starvið verður lønt í 7. Lønarflokki eftir sáttmála millum Fíggjarmálaráðið og Starvsmannafelagið.

 

 

Umsóknarfreistin er mánadagin 21. oktober 2019.

Meiri fæst at vita um starvið við at venda sær til Anniku Smith, landsbókavørð.

Umsóknir til starvið skulu saman við avriti av prógvum og yrkisleið (cv) sendast til:

Landsbókasavnið, J.C. Svabosgøta 16, Postsmoga 61, FO-110 Tóshavn ella annikas@landsbokasavnid.fo

 

 

____________

Landsbókasavnið er høvuðs- og tjóðbókasavn og hevur sum høvuðsuppgávu at savna inn, skráseta, varðveita og fremja útbreiðslu av kunnleika um føroyskar bókmentir og av bókmentum um Føroyar. Harumframt veitir Landsbókasavnið vísindabókasavnstænastu. Landsbókasavnið skipar fyri skráseting av føroysku tjóðbókaskránni og er føroysk ISBN-skrivstova.

 

 


Aftur til tíðindi
Skrivað: Annika Smith

Seinastu greinar

Bókavarðastarv leyst at søkja

Bókavørður til Landsbókasavnið   Landsbókasavnið søkir eftir bókavørði at byrja 1. desember 2019 ella skjótast til ber.   Star… Les meira »


07. oktober 2019
Ebba og bókaheimurin

Ebba Hentze var virkin innan bókmentir og viðurkend sum høvundur og týðari. Hon skrivaði bæði barnabøkur, stuttsøgur og yrkingar.… Les meira »


17. september 2019