Landsbókasavnið hevur saman við øðrum á Fróðskaparsetri Føroya gjørt av at varpa ljós á føroyska gransking.

Vit meta, at tað er umráðandi, at granskingin verður miðlað og borin út í føroyska samfelagið, tí ivaleyst hevur almenningurin stóran áhuga í granskingini.

Miðlingin verður gjørd ígjøgnum granskingargrundaðar fyrilestrar hjá vísindafólkum, ið starvast á Setrinum og øðrum granskingarstovnum.

Fyrsti fyrilestrahaldari hesa várhálvuna er Lív Arge Simonsen, sum hevur MA í søgu og stjórnmálafrøði og starvast í egnum virki, Søguskyni. Hon granskar korini hjá føroyskum kvinnum fyrst í 1900-talinum.

Lív fer at halda fyrilestur við heitinum: At skúla kvinnur í Føroyum 1900-1914. Við denti á leiklutinum hjá áhugafeløgunum Dansk Kvindesamfund og De danske Atlanterhavsøer.

Fyrilesturin verður hildin á føroyskum máli.

Verið vælkomin!