Tíðindi
Bókavørður/Informatiónsfrøðingur til Landsbókasavnið
Landsbókasavnið søkir eftir avloysara í 1 ár til at byrja 15. juni 2022 ella skjótast til ber.
Um starvið
Arbeiðstíðin er 35 tímar um vikuna.
Uppgávurnar eru fjølbroyttar og arbeiðið fakliga krevjandi og fevnir um m.a.
· at luttaka í vaktarskipanini í útláninum
· at luttaka í átøkum innan miðlan av tilfari og tilboðum bókasavnsins
· at hava um hendi innsavnan av smáprenti og øðrum skyldutilfari í tilknýti til Føroyadeildina
· at skráseta bókasavnstilfar
Førleikar
Til starvið krevst útbúgving sum bókavørður, so sum Cand.scient.bibl., bibliotekar DB ella onnur bókasavnsfaklig útbúgving.
Tú skal kunna arbeiða í toymi við bundnum uppgávum. Dentur verður eisini lagdur á, at tú er sinnað/ur at luttaka í menningaátøkum, men eisini sjálvstøðugt við egnum hugskotum
Vit rokna við at tú hevur
· Góð samstarvsevni
· Sjálvstøðugt arbeiðslag
· Góðan tænastuhugburð
· Góðan teldukunnleika
· Góðar málførleikar á føroyskum, norðurlendskum og enskum.
Vit kunnu bjóða
Eitt sera fjøltáttað og avbjóðandi starv í einum spennandi fakligum umhvørvi.
Setanarviðurskifti
Starvið verður lønt eftir sáttmála millum Fíggjarmálaráðið og avvarðandi felag
Umsóknir til starvið skulu saman við avriti av prógvum og yrkisleið (cv) sendast til:
Landsbókasavnið, J.C. Svabosgøta 16, Postsmoga 61, FO-110 Tórshavn ella annikas@landsbokasavnid.fo
Umsóknarfreistin er 18. mai 2022
Meiri fæst at vita um starvið við at venda sær til Anniku Smith, landsbókavørð á tlt. 340511
____________
Landsbókasavnið er høvuðs- og tjóðbókasavn og hevur sum høvuðsuppgávu at savna inn, skráseta, varðveita og fremja útbreiðslu av kunnleika um føroyskar bókmentir og av bókmentum um Føroyar. Harumframt veitir Landsbókasavnið vísindabókasavnstænastu. Landsbókasavnið skipar fyri skráseting av føroysku tjóðbókaskránni og er føroysk ISBN-skrivstova.
Seinastu greinar
![](/upload/cache/images/1001-1200/d83aae5b5de9ce71eb9572da318dcada6c66c7f7_w720_h408_fC_ha50_va50_afp1.jpg)
Ólavsøkuaftan tann 28. juli, ólavsøkudag tann 29. juli og týsdag tann 30. juli er bókasavnið ikki opið. Tó er atgongd til talgilda… Les meira »
![](/upload/cache/images/1001-1200/49f2979d60fd59f717d267cfb60d5415979a3e26_w720_h408_fC_ha50_va50_afp1.png)
Filmstriben er talgilt filmstilboð við breiðum úrvali av spælifilmum, stutt- og heimildarfilmum til børn, ung og vaksin. Tú fin… Les meira »