Leita á síðuni
Tíðindi
Avhendingarskylda
Sambært ásetingum í § 24 í bókasavnslógini skulu 4 ókeypis eintøk av øllum verkum, útgivnum í Føroyum, avhendast til Landsbókasavnið. Tilfar, ið skal latast Landsbókasavninum, er t.d. bøkur, fløgur, filmar, ársfrágreiðingar, lýsingabløð, faldarar, plakatir og postkort. Talgilt tilfar og útgávur á netinum koma eisini undir avhendingarskylduna.
Endamálið við avhendingarskylduni er at tryggja, at vitanin um føroyska mentan, søgu og føroyskt samfelagslív verður varðveitt til gagns fyri gransking og almenningin. Avhendingarskyldan tryggjar eisini støðið undir tjóðbókaskránni.
Viðvíkjandi prentaðum tilfari, so er tað prentsmiðjan, ið hevur skyldu at lata okkum tilfarið, um tað er prentað á eini føroyskari prentsmiðju. Um tilfarið er prentað uttanlands, so er tað antin forlagið, útgevarin, umboð fyri útgávuna ella rithøvundurin, ið skal lata Landsbókasavninum tilfarið.
Seinastu árini hava vit upplivað, at vit ikki fáa eins nógv prentað tilfar longur, sum vit fingu fyrr. Ein orsøk til hetta kann vera, at nógv tilfar einans kemur út talgilt í dag, og ein onnur orsøk kann vera, at nú verður nógv tilfar prentað aðrastaðni enn á stóru prentsmiðjunum, ið kenna til avhendingarskylduna til Landsbókasavnið. Við hesi kunning vóna vit, at fleiri fara at kenna til avhendingarskylduna, og at vit fara at fáa meiri tilfar í framtíðini.
Tit kunnu lesa meir um avhendingarskylduna her:
https://landsbokasavnid.fo/skylduavhending
https://logir.fo/.../79-fra-08-05-2001-um-bokasovn-sum...
https://logir.fo/.../4-fra-20-01-2012-fra-avhending-av...
Seinastu greinar
Ólavsøkuaftan tann 28. juli, ólavsøkudag tann 29. juli og týsdag tann 30. juli er bókasavnið ikki opið. Tó er atgongd til talgilda… Les meira »
Filmstriben er talgilt filmstilboð við breiðum úrvali av spælifilmum, stutt- og heimildarfilmum til børn, ung og vaksin. Tú fin… Les meira »