Bókasavnsgjald er ein samsýning, sum landið letur føroyskum høvundum fyri at hava bøkur, ljóðbøkur, e-bøkur og listaverk teirra tøk á føroysku bókasøvnunum. 

Ert tú nýggjur móttakari av bókasavnsgjaldi kanst tú søkja um bókasavnsgjald her

Við høvund meinast rithøvundur, tónaskald, týðari, upplesari, myndlistafólk og fotografar, sum búgva í Føroyum ella uttanlands, og sum ávikavist skriva, týða, prýða ella lesa upp føroyskar bøkur.

Bókasavnsgjaldið verður at býta til føroyskar rithøvundar og týðarar, hvørs bøkur/týðingar eru til taks í bókasøvnunum, til myndlistafólk, tá myndir eru í minsta lagi 40% av bókini og til upplesarar av ljóðbókum.

Í "Kunngerð um býtið av bókasavnsgjaldinum" frá 15. august 2025 er ásett, hvussu játtanin til endamálið skal býtast.

Kunngerðina sært tú her

Eru broytingar í viðurskiftunum hjá móttakara, skulu hesar eisini fráboðast Landsbókasavninum á serstøkum oyðublaði.

Fráboðan um broyting í viðurskiftum hjá móttakara her