24. mars kl. 16 heldur Hans Andrias Sølvará fyrilestur á Landsbókasavninum.

Landsbókasavnið hevur saman við øðrum á Fróðskaparsetri Føroya gjørt av at varpa ljós á føroyska gransking.

Vit meta, at tað er umráðandi, at granskingin verður miðlað og borin út í føroyska samfelagið, tí ivaleyst hevur almenningurin stóran áhuga í granskingini.

Miðlingin verður gjørd ígjøgnum granskingargrundaðar fyrilestrar hjá vísindafólkum, ið starvast á Setrinum og øðrum granskingarstovnum.

Ætlandi verða sjey fyrilestrar tilsamans. Teir verða hildnir várhálvuna síðsta mikudag fram til og við mai. Heysthálvuna verða fyrilestrar í september, oktober og í november.

Annar fyrilestrahaldari er Hans Andrias Sølvará

Hann fer at halda fyrilestur um søguskriving við støði í bók síni, ”Royndin. ein kjakbók um søgu og søguskriving.”

Fyrilesturin verður hildin á føroyskum máli.

Verið vælkomin!