Leita á síðuni
Tíðindi
Svørt orkidé skein bjartast
og Seinasta paradís á jørð er best í norðurlondum
Fyri løtu síðani varð kunngjørt, at Vónbjørt Vang fær bókmentavirðisløn Norðurlandaráðsins 2025 fyri yrkingasavnið Svørt orkidé. Sostatt skuldu tað ganga heili 39 ár frá at Rói Patursson fekk henda heiður í 1986 til føroyingur aftur fekk heiðurin nú í 2025.
Føroyar, føroyski bókmentaheimurin og føroysku bókasøvnini fegnast og samgleðast við Vónbjørt um henda ovurstóra heiður. Vit ynskja Vónbjørt Vang, forlagnum Eksil og øllum kæru hjá Vónbjørt hjartaliga til lukku við væl uppiborna heiðrinum.
Samstundis var eisini kunngjørt at Sakaris Stórá fær filmsvirðisløn Norðurlandaráðsins 2025 fyri filmin "Seinasta paradís á jørð", sum eisini er fyrsti føroyski filmur, ið higartil er tilnevdnur.
Vit ynskja Sakarisi og øllum í føroyska filmsumhvørvinum hjartaliga til lukku við heiðrinum.
Samstundis ynskja vit øllum tilnevndu hjartaliga til lukku.
Á síðuni hjá Norðurlandaráðnum kanst tú síggja og lesa um allar vinnararnar í 2025: HER
Seinastu greinar
Vit, Føroysku Bókasøvnini og Føroyar lesa takka fyri í ár, takk til tykkum øll, ið komu til okkara tiltak leygardagin. Serliga vil… Les meira »
Tann fimtanda í hvørjum mánað gera vit eina nýggja framsýning við fimtan útvaldum bókum um skiftandi evnir. Frá november til desem… Les meira »