Gylta leiðin (Gold Access) til útgávu er, tá greinin verður útgivin í opnum vísindaligum tíðarriti uttan útgávuseinkan. Hendan leiðin er ókeypis fyri brúkaran, men eitt gjald kann verða lagt á høvundin/stovnin. Gylta leiðin er vanlig, og tað er tann, sum flestu størstu altjóða útgevarar bjóða.

Tað finst eisini Hybrid Gold Access, tá kemur greinin út í vanligu haldaratíðarritunum, men høvundurin rindar forlagnum eitt gjald fyri at fáa greinina útgivna við opnari atgongd. Til ber at søkja stuðul frá Granskingarráðnum til útgávur við opnari atgongd les meira her: Frí atgongd til granskingarúrslit.

Á DOAJ.org er yvirlit yvir tíðarrit, ið geva út við opnari atgongd. Tú eigur verkið, ikki forlagið.