Á Landsbókasavninum og 18 øðrum bókasøvnum kring landið hevur tú nú atgongd til fleiri túsund ymisk bløð og tíðarrit úr øllum heiminum. Eisini er eitt stórt úrval til børn og ung.

Les m.a. Rolling Stone, Vogue, Boligmagasinet, Gør-det-selv, Illustreret videnskab, Women´s Weekly, Costume, Politiken, New York Times, The Washington Post, The Wall Street Journal, The Guardian og nógv fleiri.

Fá samband

Fyri at fáa samband skalt tú fyrst vitja bókasavnið við tíni telefon, teldli ella farteldu. Har skalt tú bara fáa samband við tráðleysa netið (hotspot) á staðnum. So kanst tú heilt ókeypis velja ímillum fleiri enn 7.000 bløð á yvir 60 málum á appini Pressreader ella heimasíðuni pressreader.com. 

Eisini heima

Til ber at sita á bókasavninum og lesa. Vilt tú heldur lesa heima, ber tað eisini til við at taka tilfarið niður við appini. Tá tú hevur verið á bókasavninum hevur tú framvegis atgongd í 7 dagar. Fyri at endurnýggja atgongdina kemur tú bara aftur á bókasavnið. 

Les og lurta

Greinarnar kunnu sjálvandi lesast, men eisini ber til at hoyra tær og enntá ber til at fáa tær týddar til onnur mál.

Ger títt egna PressReader

Um tú vilt fáa enn størri gleði av PressReader, so ber til at stovna tín egna vanga, goyma yndisbløð og greinar at lesa seinni, skriva viðmerkingar til greinar, goyma tínar egnu leitingar og fáa boð um nýggjar útgávur. 

Finn tað her: www.pressreader.com