Ert tú nýggjur móttakari av bókasavnsgjaldi, kanst tú søkja um bókasavnsgjald á serstøkum oyðiblaði, ið verður sent landsbókasavninum á bokasavnsgjald@landsbokasavnid.fo

Oyðiblaðið finnur tú her.

Verk ið eru útgivin í 2025 verða tikin við í ár.

Umsóknin skal vera okkum í hendi seinasta lagið 1. oktober 2026.

Almanna- og mentamálaráðið hevur kunngjørt nýggjar reglur um býtið av bókasavnsgjaldinum, ið er gjald til rithøvnudar, týðarar, listafólk og upplesarar, hvørs verk eru til láns á føroyskum bókasøvnum.

Bókasavnsgjald er ein samsýning, sum landið letur føroyskum høvundum fyri at hava bøkur, ljóðbøkur, e-bøkur og listaverk teirra tøk á føroysku bókasøvnunum. 

Við høvund meinast rithøvundur, tónaskald, týðari, upplesari, myndlistafólk og fotografar, sum búgva í Føroyum ella uttanlands, og sum ávikavist skriva, týða, prýða ella lesa upp føroyskar bøkur.

Í "Kunngerð um býtið av bókasavnsgjaldinum" frá 15. august 2025 er ásett, hvussu játtanin til endamálið skal býtast.

Kunngerðina sært tú her.

Eru broytingar í viðurskiftunum hjá móttakara, skulu hesar eisini fráboðast Landsbókasavninum á serstøkum oyðublaði.

Fráboðan um broyting í viðurskiftum hjá móttakara her.