Føroyska bók 200 ár

Myndin av Schrøter varð tikin í 1849, tá ið hann var 78 ár Hon varð gjørd við Daguerrahátti (franskt: Daguerréo-type. Nevnt eftir Louis Daguerrem, sum uppfann háttin í 1830’unum) Schrøter fekk tvær glasplátur við hesari andlits-mynd og er ein av teimum varðveitt á British Museum, saman við brøvum sum Schrøter skrivaði til enska vinin Sir Walter Calverlay Trevelyan (1797-1879) Um myndatøkuna skrivaði Schrøter: „Eg doypti eitt barn tann dagin, og var í búnanum hjá luthersku kirkjuni, men eg visti als einki um, hvussu eg skuldi sita, og hugsaði, at bara andlitið mundi fara at koma við á plátuna. Tí eru hendurnar sjónligar, og eg var í hárkollinum, tí tað var so kalt, og eingin møguleiki var fyri at sita innandura. Hetta er orsøkin til, at eg kanska síggi yngri út, enn eg eri.“ (Sí: West, John F. (1977). Meira um Daguerreotypi. Mondul, 3(1), 30-31)
J. H. Schrøter var føddur og barnvaksin í Føroyum. Ættarnavnið Schrøter hevði hann frá faðir sínum, sum æt Christian Gottlob Schröder (1724-1781) og var frá Slesiu (tá partur av Týsklandi, nú landslutur í Póllandi). Í handritasavninum á Landsbókasavninum er varðveitt skriv um C. G. Schröder og prentaði brúdleypssangurin hjá Hr. og Frú Schrøder (við -d í navninum). (Savnsnummar: E 218)
Navnið Johan Henrich var úr móðurætt hansara, hon æt Anna Elisabeth Hammershaimb (1740-1780). Í handritasavninum á Landsbókasavninum er varðveitt skriv um C. G. Schröder og prentaði brúdleypssangurin hjá Hr. og Frú Schrøder (við -d í navninum).
Landsbókasavnið varðveitir átta eintøk av Matteusar evangeliinum hjá Schrøter og verða tey øll sýnd fram til um miðjan januar 2024.
Handritið til týðingina av Matteusar evangeliinum eftir Schrøter er varðveitt á Kongaliga bókasavninum í Keypmannahavn: https://soeg.kb.dk/.../45KB.../1pioq0f/alma99122169476205763

20. november 2023

Í sambandi við at 200 ár eru liðin frá tí at fyrsta bíbliutýðing á føroyskum máli kom út á prent, hevur Landsbókasavnið eina snarsýning, sum vit kalla tað, við tekstum um og eftir Johan Henrich Schrøter (1771-1851).

Matteusar-týðing J. H. Schrøters, sum kom út í Randers í 1823, ber tittulin „Evangelium Sankta Matthæussa, aa Førisk o Dansk“. Hon var givin út av danska Bíbliufelagnum í 1500 eintøkum. 1200 eintøk vórðu latin føroyingum, so at hvørt hús kundi fáa eitt eintak. Bókin varð kallað „Føroyska bók“ og hóast tað fekk bókin „[í] fyrstu syftu eina heldur kaldliga mótitøku, ja, mótitøkan var so, at hon forðaði fyri framhaldi í bíbliutýðing í mansaldrar.“ (Sí Matras, Chr. (1973). Evangelium Sankta Matteusar II. Um týðingina av bókini. Síða 7).

J. H. Schrøter var føddur og barnvaksin í Føroyum. Ættarnavnið Schrøter hevði hann frá faðir sínum, sum æt Christian Gottlob Schröder (1724-1781) og var frá Slesiu (tá partur av Týsklandi, nú landslutur í Póllandi). Navnið Johan Henrich var úr móðurætt hansara, hon æt Anna Elisabeth Hammershaimb (1740-1780). Í handritasavninum á Landsbókasavninum er varðveitt skriv um C. G. Schröder og prentaði brúdleypssangurin hjá Hr. og Frú Schrøder (við -d í navninum).

Landsbókasavnið varðveitir átta eintøk av Matteusar evangeliinum hjá Schrøter og verða tey øll sýnd fram til um miðjan januar 2024. Bókin er annars at síggja á internetinum hjá archive.org: https://archive.org/.../evangeliumsankta.../page/n3/mode/2up
Handritið til týðingina av Matteusar evangeliinum eftir Schrøter er varðveitt á Kongaliga bókasavninum í Keypmannahavn: https://soeg.kb.dk/.../45KB.../1pioq0f/alma99122169476205763
#handrit #handritasavn #Landsbókasavnið

Aftur til tíðindi

Skrivað: Laura Vinther

Seinastu greinar

Flaggdagin 25. apríl og dýrabiðidag 26. apríl er Landsbókasavnið stongt

E-bókasavnið er altíð opið. Har kanst tú m.a. læna e-bøkur og ljóðbøkur, Les meira »

25. apríl 2024

Starvsfólk til Universitetsbókasavnstænastu

Er tað tær vit leita eftir? Vit sóknast eftir einum starvsfelaga til universitetsbókasavnstænastur at byrja 1. august. Hetta… Les meira »

15. apríl 2024

Tíðindi

Føroyska bók 200 ár

Seinastu greinar